ფენოვანი ჰოთ-დოგები

 ალბათ უმეტესობას გასინჯული გაქვთ ცომთან ერთად გამომცხვარი სოსისები და დამეთანხმებით, რომ უგემრიელესია. ჩემ მიერ მომზადებული ჰოთდოგები იდეალურია დაბადებისდღისთვის, მეგობრების შეკრებისთვის, ექსკურსიებისთვის და ა.შ.

მათი მომზადება არის ძალიან მარტივი.
თქვენ დაგჭირდებათ:

• 500გრ ფენოვანი ცომი. მე პირადად მზარეულის ფირმის ცომს ვიყენებ, არჩევანი თქვენზეა.
• 10-12 ცალი სოსისი (ნებისმიერის გამოყენება შეგიძლიათ, მე რძიანი სოსისებით მოვამზადე)
• მდნარი ყველი (ფირფიტები არა, ყუთში რომ არის წასასმელი)

პირველ რიგში გაყინული ცომი უნდა გალღვეს. მე პირადად გამათბობელზე ვდებ 30 წუთის განმავლობაში.
როდესაც ცომი გალღვება, ვიწყებთ მის გაშლას. დასაწყისი ძირითადად მარტივად იშლება მაგრამ შუა ნაწილი გაყინული რჩება ხოლმე. ამ შემთხვევაში არ შეგეშინდეთ ცომის გატეხვის, გაშალეთ ბოლომდე.

მიიღებთ მსგავს სურათს

ბოლო დატეხილი ნაწილები ხელით მოაცალეთ და გააბრტყელეთ ცომის საბრტყელებლის საშუალებით ისე რომ საშუალო სისქის იყოს, ძალიან თხელი არ არის სასურველი.

ასე გააკეთეთ დანარჩენ დატეხილ ნაწილებზე რომლებიც გაყინულია, დაახლოებით შუა ნაწილში უკვე შეგიძლიათ საბრტყელებლის საშუალებით შეაწებოთ ცომი.


ეს გაბრტყელებული ცომის ნაწილები ხელით დაამრგვალეთ ისე როგორც სურათზეა გამოსახული. და შემოახვიეთ მთლიან სოსისს.

გამოგივათ დაახლოებით 6 ცალი მსგავსი ჰოთდოგი

დარჩენილი ცომი საბრტყელებლით გააბრტყელეთ (წინააღმდეგ შემთხვევაში გამოგივათ ზედმეტად "მსუქანი" ჰოთდოგები). შემდეგ კი დანით მოაჭერით გვერდები.


ვიწყებთ ცომის დაჭრას სამკუთხედებად. იხ.სურათი


თითოეულ მათგანს ზემოდან ვუსვამთ მდნარ ყველს და ვახვევთ სოსისებს კრუასანების ფორმაზე (ისე რომ ყველიანი ზედაპირი სოსისების შიგნით აღმოჩნდეს და არა ზედაპირზე)


ვათავსებთ ჩვენს ჰოთდოგებს საცხობ ქაღალდზე (ქაღალდს ვუსვამთ ცოტა ზეთს ყოველი შემთხვევისთვის) და ვდგამთ 225 გრადუსზე გახურებულ ღუმელში.
ცხობას სჭირდება დაახლოებით 12-15 წუთი

საბოლოო  ჯამში ვიღებთ ესეთ შედეგს

ჩემი ჰოთდოგების ნაწილი აიპრიხა იმიტომ რომ სოსისი შუაზე გავჭერი რამოდენიმესთვის

ვუმასპინძლდებით მეგობრებს და გემრიელად მივირთმევთ :))